விக்ரம் படத்தின் மிகப்பெரிய வெற்றிக்கு பிறகு லோகேஷ் கனகராஜ் இயக்கத்தில் வருகின்ற அக்டோபர் 19 வெளியாகவிருக்கும் படம் தான் லியோ. இந்த படம் லோகேஷ் கனகராஜ் விஜய்யுடன் இணையும் இரண்டாவது படம் என்பதால் ரசிகர்கள் மத்தியில் பெரிய எதிர்ப்பார்ப்பு உள்ளது.
லியோ படத்தை ப்ரோமோட் பண்ணும் விதமாக லோகேஷ் கனகராஜ் பல பேட்டிகளை கொடுத்து வருகிறார். அந்த பேட்டிகள் தான் இப்பொழுது சமூக வலைதளங்கள் முழுக்க வைரல். லியோ படம் LCU என்றழைக்கப்படும் Lokesh Cinematic Universe-ல் வருமா வராதா என்ற கேள்வி தான் பல பேட்டிகளில் கேட்கப்பட்டது.
லோகேஷ் கனகராஜும் மிக தெளிவாக அந்த கேள்விக்கு மட்டும் எந்த பதிலும் சொல்லாமல் படத்தை பார்த்து தெரிந்துக் கொள்ளுங்கள் என்று கூறி வந்தார். லியோ படத்திற்கு பிறகு லோகேஷ் அடுத்து ரஜினிகாந்த்தின் தலைவர்171 இயக்கவுள்ளார் என்பது நம்மில் பலரும் அறிந்ததே.
சன் பிக்சர்ஸ் தயாரிக்கும் இந்த படம் தான் ரஜினிகாந்த் அவர்களின் கடைசி படம் என்றெல்லாம் தகவல் வருகிறது. இந்த படத்தின் கதையை கேட்டு விஜய்யும் லோகேஷ் கனகராஜை பாராட்டியுள்ளார்.
இந்நிலையில் லோகேஷ் கனகராஜ் சமீபத்திய பேட்டி ஒன்றில் கூறியது என்னவென்றால் “சத்யா படத்தை பார்த்து நான் கமல் ரசிகன் ஆனாலும்.. குழ்ந்தையாக இருக்கும் போது ரஜினி சார் படத்தை காட்டி தான் சோறு ஊட்டுவார்கள்.
இதுவரை நான் ரஜினி சார் படங்களின் முதல்நாள் முதல்காட்சியை தவறவிட்டதே இல்லை. அவரை வைத்து நான் எடுக்கும் இந்த படம் மிகவும் வித்தியாசமாக இருக்கும். இது LCU-வில் வராது. இது ஒரு தனிப்படம்” என்று தலைவர்171 படத்தை பற்றி கூறியிருக்கிறார்.
தற்போது விஜய் ரசிகர்களும் லோகேஷின் இந்த பேட்டியை வைத்து தலைவர்171 LCU இல்லை என்று இப்போதே சொல்லிவிட்டார் ஏன் லியோவிற்கு அப்படி சொல்லவில்லை. அப்போ லியோ LCU-வில் வருகிறதா என்று பேசி வருகின்றனர்.